O servizo préstase sen contrato desde 2015, sen que o goberno municipal reclame contraprestacións polas deficiencias no subministro. 

O BNG presentará en Pleno unha moción para rematar con estas irregularidades. 

Rioboó incumpliu varias veces nos dous últimos anos as súas promesas de sacar novamente a contratación o servizo.

O servizo de subministración de auga potábel está a prestarse en precario dende 2015, logo dunha prórroga de un ano aprobada malia os reparos de Intervención e da Secretaría municipais.

O BNG solicita que se desconte dos recibos o canon que debería pagar a empresa concesionaria, segundo o estudo económico incluído no prego de contratación presentado en 2015.

Solicita tamén que se estuden descontos pola mala calidade na prestación do servizo, en función dos días no que este é deficiente, e que os recibos se pasen ao cobro unha vez rematado o prazo de recurso contra a taxa.
 

Un novo retraso nunha obra marcada pola improvisación, opacidade e soberbia coa que veñen actuando EMALCSA e o Concello de Culleredo, que os leva a tropezar en reiteradas ocasións nas mesmas pedras.

Cando en 2016 se anunciou a obra, BNG e veciñanza avisaron da necesidade da autorización previa da Consellaría de Cultura, por estar os terreos dentro da zona de protección do Camiño Inglés, o que xa daquela motivou o retraso no inicio das obras.

As obras, que comezaron en xuño de 2017 e tiñan un prazo de execución de 6 meses, poñen a proba a paciencia dos veciños e veciñas, máis alá de toda comprensión que se lles poida demandar dende as administracións implicadas.

De xeito repetido seguen a repetirse episodios de turbidez na auga que chega aos fogares. Como consumidores, os veciños e veciñas teñen dereito a reclamar e a ter unha compensación polos problemas no servizo, inclusive mediante unha rebaixa nos seus recibos.

Esta semana reperíronse os problemas coa turbidez da auga da traída en Culleredo, que se veñen repetindo con demasiada frecuenza.

Aínda que o Goberno Municipal, a preguntas do voceiro do BNG-Asembleas Abertas, ten afirmado que non supón perigo para a saúde, é preciso atopar a orixe do problema e pórlle remedio.