municipais

O compromiso e a honestidade cara os seus votantes, a defensa do interese común e o rexeitamento das políticas escurantistas do goberno de Riobóo durante os últimos 6 anos, principais motivos da formación nacionalista para non apoiar a candidatura socialista no Pleno de investidura.

Riobóo liderou durante os últimos 6 anos un goberno municipal que actuou con total falta de transparencia e de costas á veciñanza, sen ter en conta o beneficio común, no que o chanchullo foi sempre o centro de decisión.

Segundo o portavoz nacionalista, Tono Chouciño, “Non temos nada en común con Riobóo nin co seu goberno. O BNG é coherente coa súa política de defensa da veciñanza e iso é incompatible con apoiar a Riobóo como Alcalde.”

Tono Chouciño, actual voceiro nacionalista, encabeza unha candidatura sen ataduras, co obxectivo de facer de Culleredo o concello que os seus veciños e veciñas merecen.

Repiten con el os actuais concelleiros, Beatriz Mosquera e Gonzalo Méndez.

Entre as incorporacións a estes primeiros postos hai tres mulleres independentes, representantes dunha veciñanza chea de ganas e ilusión para transformar o noso concello co seu traballo.

A Asemblea Local do BNG de Culleredo aprobou o 17 de abril a lista completa da candidatura coa que a formación nacionalista se presentará para acadar a Alcaldía de Culleredo.

Destaca polo seu carácter interxeracional e pola ampla formación e experiencia en diferentes sectores, como a educación, a sanidade, ou as novas tecnoloxías.

Á candidatura súmanse, como independentes, persoas que ven no BNG de Culleredo a solución necesaria para rematar coa inacción do actual goberno municipal.

A empresa adxudicataria do servizo de desbroce e mantemento dos viais municipais non está a realizar as tarefas de limpeza coa periodicidade estipulada no contrato, sin que o Goberno Municipal non só non lle exixa o cumprimento das as súas obrigas, senón que a xustifica.