Malia as reiteradas denuncias veciñais e os múltiples anuncios do Goberno Municipal, as vías do noso Concello seguen a acumular maleza que supón un perigo para a seguridade vial.

Son numerosos os tramos de viascon beiravías e beirarrúas impracticabeis, nas que os peóns se ven obrigados a circular polo espazo destinado aos vehículos.

Mentras, o Goberno Municipal parece máis ocupado en festas e merendolas que de velar pola seguridade dos seus veciños e veciñas.

O Bloque Nacionalista Galego lembra que o Concello anunciou xa o 11 de agosto o inicio dos traballos, e estes aínda non comezaron, polo que demanda, unha vez máis, que se inicien de xeito urxente, para garantir a seguridade de vehículos e peóns.