Hai razóns abondo para rexeitar a aprobación dos orzamentos do goberno de #Culleredo para 2017. Aquí van só algunhas das cousas de #OQueNonContan
Trala aparición de diversos desperfectos no parquet da polideportiva de Cordeda, entre eles a rotura dalgunha das táboas, pedimos a valoración dos danos e súa reparación. Pedimos tamén a determinación de se os danos gardan relación coa colocación dunhas canastras móbiles cun sistema de rodamento non axeitado para esa superficie, problema que denunciamos no seu momento e que supostamente xa estaba arranxado.
O pasado sabado 28 de xaneiro de 2017 saimos de roteiro por Culleredo para coñecer máis da historia e lugares emblemáticos do noso concello. Ademáis, fixemos unha parada especial no Centro Social de Sésamo para recordar ao compañeiro Moncho Valcarce no seu cabodano.
O BNG-Asembleas Abertas estuda recurrir uns orzamentos continuístas, que burlaron as promesas de participación cidadá na súa elaboración e recollen pagos sen contrato por máis de 600.000€. Os vecinos, que aportan máis do 50% dos ingresos, van ter que pagar 1.500.000€ polos terreos do Colexio Ría do Burgo, 7 veces máis que os do colexio que se está a construír agora mesmo.
A sentenza obriga ao pago de 1,5 millóns de euros por invadir propiedade privada na construción do CEIP Ría do Burgo, incumprindo Convenio que foi proposto polo Alcalde, Julio Sacristán, a quen o Pleno facultou para "levar a bo fin o Convenio", cousa que evidentemente non aconteceu.
Segundo o Convenio o Concello debía facilitar á promotora unha parcela con 3000 m2 de edificabilidade, cando a parcela que se adquiría a tiña de 120 m2. Ademais, para poder ocupar a parcela debería tela recalificado, cousa que nunca fixo. A sentencia deixa o CEIP Ría do Burgo en condicións de precariedade urbanística.
O BNG-Asembleas Abertas de Culleredo votará en contra dun Orzamento que asume un negocio que resultou ruinoso e hipoteca as arcas municipais, sen nengún tipo de depuración de responsabilidades.
Solicitamos a través das emendas aos Orzamentos da Xunta a creación dunha residencia de maiores en Culleredo, debido ao déficit de prazas en residencias públicas na comarca, que obriga ás persoas sen recursos para ir á privada a ingresar en residencias lonxe das súas familias.
Tamén solicitamos dotación orzamentaria para a ampliación da Escola Infantil Fonte da Balsa, para o que o Pleno Municipal xa aprobou a cesión dos baixos, actualmente baleiros.
Entre elas están a urxencia na construción do novo colexio, para que poida estar disponíbel no comezo do próximo curso, e a dotación de cociñas propias nos Centros escolares, ambas aprobadas por unanimidade no Pleno de Culleredo.
Tono Chouciño urxe a aprobar o POS+2017 por separado e con independencia da aprobación dos orzamentos para 2017, que o Goberno Municipal parece querer vincular para presionar e chantaxear aos restantes Grupos Municipais, ofrecendo no plan provincial uns caramelos que fagan máis dixeríbeis uns orzamentos intragábeis.
A través dos representantes do BNG no Parlamento tramitamos emendas aos orzamentos da Xunta para a mellora na seguridade nas estradas de titularidade autonómica AC213, entre O Burgo e A Telva, na AC523 ao seu paso por Ledoño e na AC400, entre Vinxeira e Celas.
O BNG-Asembleas Abertas de Culleredo votou en contra da actualización de inventario levada a Pleno polo goberno municipal, e aprobada grazas á abstención da Marea e de Alternativa, porque supón seguir avanzando na perda patrimonial derivada da tramitación, chea de eivas, desta instalación.
