O Pleno municipal aprobou, coa única abstención do PP, apoiar a demanda da transferencia da autoestrada AP9, que atravesa o noso Concello, xa totalmente amortizada, que xera uns ingresos diarios de 300.000 euros á concesionaria, na actualidade en proceso de venda a un fondo de inversión estranxeiro.
O último Pleno Municipal aprobou as nosas demandas de recuperar o Debate sobre o Estado do Municipio, logo de varios anos sen celebrarse, e da súa emisión pola radio municipal, en cumplimento do aprobado tamén por unanimidade ao inicio do mandato. O Pleno celebrarase o 13 de decembro.
Este martes día 8, ás 19.30h., proxectaremos a película documental "Frankenstein 04155", dirixida por Aitor Rei, na que nos tratan de dar resposta a moitas das interrogantes sobre o accidente do Alvia en Angrois. No posterior coloquio participará Ana Miranda, representante do BNG perante as institucións europeas.
Un compromiso de gasto superior ao millón de euros debería ter pasado os trámites que regulamentariamente se establecen e que non constan nas catro páxinas escasas que o Goberno Municipal nos presentou ao Pleno.
"É curioso que, nunha obra desta envergadura, non sexamos capaces de acceder a documentación que se lle exixiría a calquera dos nosos veciños e veciñas para unha simple reforma no seu fogar"
Os veciños e veciñas de Culleredo xa poden comprobar nos recibos que lles están a chegar estes días ás súas casas a baixada de case un 10% nos recibos do IBI, malia que o PSOE pretendía facer permanente a suba temporal imposta pola Lei Montoro en 2011.
Tono Chouciño manifestou a súa sorpresa polo feito de que, aínda que se lle entregou numerosa documentación relativa á construción do aeroporto, a documentación referida á canteira foi prácticamente nula, polo que manifestou que se volvería a solicitar.
O último contrato de limpeza viaria rematou en xaneiro de 2012, sen que consten prórrogas, polo que solicitaremos informes sobre o xeito en que se pagaron as facturas posteriores esa data, sumándose así aos servizos públicos de Culleredo que se están a prestar en precario.
O BNG emprenderá unha campaña informativa á veciñanza "para animar aos vecinos e veciñas a que reclamen un dereito, non só individual, senon tamén colectivo, posto que non só é trascendente a reposta á súa alegacion individual senon que tamén o é o resultado das alegacións dos demais"
A sentenza do Xulgado do Contencioso-Administrativo baséase en que o proceso penal no que alcalde estaba acusado de ameazas e coacción a un policía local era unha cuestión privada e polo tanto allea á “dinámica municipal”. O BNG-Asembleas Abertas de Culleredo non comparte este argumento xa que o propio alcalde manifestou nese xuízo que a súa única pretensión era actuar disciplinariamente por reiteración na desobediencia das súas ordes.
