Novas

O BNG inicia unha campaña para recoller as demandas dos veciños e veciñas de Culleredo ante a saturación do Centro de Saúde de Acea de Ama e as incertezas sobre a apertura do novo centro do Portádego, para facerllas chegar ao Goberno Galego. Lembra o compromiso da Consellaría de Sanidade de limitar os cupos a 1500 persoas por médico, cando actualidade rondan ou superan as 1700.

A Mesa de Contratación é a encargada de valorar as ofertas, de realizar a proposta de adxudicación ao órgano de contratación e de salvagardar as formalidades legais na contratación. O Xefe de Gabinete de Alcaldía enumera, nun informe, varias irregularidades da actual Mesa de Contratación. Entre elas estaría que o Alcalde preside a Mesa de Contratación ao tempo que é o órgano de contratación, feito que acontece na maior parte dos contratos.

O BNG-Asembleas Abertas de Culleredo solicitou a inclusión na orde do día de cada Pleno dunha dación de conta do estado de execución dos acordos aprobados nos plenos municipais anteriores, ante a demora que acumula o Goberno Municipal no cumprimento dos mesmos.

O Pleno sobre o Estado do Municipio celebrado o pasado martes supuxo a posta en escena dun Goberno Municipal á deriva. A súa falta de ideas quedou demostrada nas propostas de resolución presentadas por Sacristán, na súa maioría xa presentadas polo BNG-Asembleas Abertas e incluso aprobadas con anterioridade no Pleno.

Tono Chouciño realizou novas propostas para defender aos veciños e veciñas de Culleredo fronte á inmobilidade do Goberno Municipal, como a reclamación dunha nova exposición do PXOM trala introdución das emendas, o inicio do proceso de liquidación do CLT de Ledoño, que bote luz sobre todo o proceso, e a creación dun Servizo de Disciplina Urbanística, imprescindíbel en Culleredo á vista dos antecedentes

A falta de previsión na cobertura das ausencias provocou numerosas queixas dos usuarias e dos usuarios do Centro de Saúde de Acea da Ma, mentras o novo centro do Portádego continúa pechado e se descoñece cal será a súa dotación de medios humanos e materiais.

Despois de 2 meses esperando para poder acceder ao expediente do Colexio Ría do Burgo, comprendemos un pouco mellor as razóns da demora ao saber da sentenza que condena ao Concello a pagar un millón e medio de euros polos terreos nos que está o centro escolar.

O anterior contrato foi asinado en xaneiro de 2002 cunha vixencia de 10 anos, a razón de 450.000€ anuais. Hoxe, case 5 anos despois do seu remate, seguimos a pagar eses 450.000€ anuais, sen que consten prórrogas e sen que se actualizase o seu importe, nun contexto no que as administracións públicas reduciron os prezos das súas contratacións nun 30%.

Limpeza mensual de macroobxectos na marxe da Ría, cláusulas sociais, inclusión do servizo de mantemento dos váteres públicos, pipicáns, servizo de mantemento dos lavadoiros tradicionais, ou mesmo que se corrixa a referencia ao Convenio Colectivo do sector, que ao noso entender non é o de "ocio educativo e animación sociocultural".

Pedimos a cuantificación do aporte de auga dos 3 pozos que verten ao depósito do Monte Xalo, cuantificación que si existe do manantial que tamén verte, para garantir a igualdade entre as empresas candidatas e permitir mellores condicións finais para os usuarios e usuarias finais.

En Culleredo levamos a preguntar dende o Pleno de setembro pola información da que dispón o Goberno municipal, demandando que se transmita á veciñanza, sen que a día de hoxe saibamos nen sequera se presentaron alegacións ao proxecto, malia que o noso Concello é un dos máis afectados polas alternativas de trazado propostas.