contratacion

O BNG trasladará as queixas recibidas polo mal funcionamento do servizo de mantemento do alumeado público, que nos costa 265.000 € anuais, e a súa ineficacia na reparación de incidencias.

Pediranse explicacións polo incumprimento do establecido nos pregos de contratación no referente á existencia dun servizo 24 horas para atención de avisos.

Os empregados públicos de servizo deben dispor dunha instrución clara de como dar traslado inmediato das incidencias ao operario de garda.
 

Despois de solicitar en repetidas ocasións información sobre o contrato, o que finalmente facilitou o Goberno Municipal ten data de xaneiro de 2018 e vixencia anual, non constando contrato anterior.

O contrato para a xestión do servizo de axuda a domicilio, cun importe de 646.006,44 euros anuais, venceu o 8 de febreiro sen que se presentaran os pregos para a súa renovación. Súmase así aos outros 6 servizos que están a prestarse sen contrato, elevando os pagos irregulares do Concello a máis de 1.200.000 euros/anuais.

O goberno de Julio Sacristán amósase incapaz de cumprir as súas obrigas, ben porque non queren, ben porque non saben. Esquecen que os xestores dos recursos públicos deben respetar o marco legal igual que o resto dos cidadáns. Non se poden xestionar os fondos públicos sen control.

Solicitamos incluír no Contrato de Limpeza cláusulas sociais que permitan a súa contratación con Centros Especiais de Emprego e/ou Empresas de Inserción Sociolaboral, sector no que Culleredo conta con varios centros e institucións pioneiras. Esta posibilidade xa foi posta en práctica por outros concellos da contorna.