colexio

A concelleira de Educación, Carmen Varela, a preguntas do representante do BNG-Asembleas Abertas, Tono Chouciño, anuncia e dá por boa a decisión da Consellaría de non abrir o novo Colexio de Infantil e Primaria para o próximo curso, adiándoo para o 2018/2019.

Tras xustificar en múltiples ocasións a necesidade do novo centro polo crecemento demográfico do concello, agora o goberno local admite a posición da Consellería para retrasar a apertura baseada nas novas cifras de matriculación.

No curso 2016/2017 hai en Culleredo 20 aulas que superan o límite máximo de 25 alumnos, outras 25 aulas que están no límite de capacidade e outras 10 que foron creadas de maneira extraordinaria polo exceso de matrícula.

O BNG solicita saber a cantidade total a pagar e como vai ser abonada, xa que os orzamentos para 2017 só recollen unha partida de 900.000€ para "compra de terreos", que segundo o alcalde é a destinada a facer fronte a ese pagamento.

O Goberno Municipal aínda non aclarou canto é o total nin como vai facer para pagar o que resta.

É preciso coñecer se o edificio ten licenza de ocupación e actividade, se os seguros cubren calquera accidente que teña lugar na instalación educativa, e o xeito en que o Concello pensa repor a legalidade urbanísta do Centro

A sentenza obriga ao pago de 1,5 millóns de euros por invadir propiedade privada na construción do CEIP Ría do Burgo, incumprindo Convenio que foi proposto polo Alcalde, Julio Sacristán, a quen o Pleno facultou para "levar a bo fin o Convenio", cousa que evidentemente non aconteceu.
Segundo o Convenio o Concello debía facilitar á promotora unha parcela con 3000 m2 de edificabilidade, cando a parcela que se adquiría a tiña de 120 m2. Ademais, para poder ocupar a parcela debería tela recalificado, cousa que nunca fixo. A sentencia deixa o CEIP Ría do Burgo en condicións de precariedade urbanística.
O BNG-Asembleas Abertas de Culleredo votará en contra dun Orzamento que asume un negocio que resultou ruinoso e hipoteca as arcas municipais, sen nengún tipo de depuración de responsabilidades.
 

O Pleno sobre o Estado do Municipio celebrado o pasado martes supuxo a posta en escena dun Goberno Municipal á deriva. A súa falta de ideas quedou demostrada nas propostas de resolución presentadas por Sacristán, na súa maioría xa presentadas polo BNG-Asembleas Abertas e incluso aprobadas con anterioridade no Pleno.

Tono Chouciño realizou novas propostas para defender aos veciños e veciñas de Culleredo fronte á inmobilidade do Goberno Municipal, como a reclamación dunha nova exposición do PXOM trala introdución das emendas, o inicio do proceso de liquidación do CLT de Ledoño, que bote luz sobre todo o proceso, e a creación dun Servizo de Disciplina Urbanística, imprescindíbel en Culleredo á vista dos antecedentes

Despois de 2 meses esperando para poder acceder ao expediente do Colexio Ría do Burgo, comprendemos un pouco mellor as razóns da demora ao saber da sentenza que condena ao Concello a pagar un millón e medio de euros polos terreos nos que está o centro escolar.