A resolución é plenamente executiva, ao tratarse dunha competencia do Pleno Municipal.
O alcalde intentou a súa retirada sen dar máis expliacións que insinuacións inintelixíbeis.
Este será o primeiro paso para a recuperación do camiño tradicional de Ledoño a Orro, despois dun ano de inacción do Goberno Municipal.
Malia aprobarse por unanimidade en 2018 unha moción para a recuperación do camiño tradicional de Ledoño a Orro, non temos coñecemento de que o Goberno Municipal levara a cabo nengúnha xestión para o seu cumprimento.
O camiño foi dado de baixa do inventario municipal para a construcción dunha estación intermodal vencellada ao CLT de Ledoño, algo que nunca se realizou.
A nova moción inclúe o acordo plenario de que se inicie o expediente para a recuperación dos terreos e se incorporen novamente ao inventario municipal. É o xeito de avanzar na tramitación sen depender do Goberno Municipal.
Augas de Galiza sanciona ao Concello por modificar o noiro do paseo fluvial sen autorización e incumprindo as condicións establecidas.
A obra, cun importe de 140.000€, está a ser investigada tamén polo Xulgado nº3, trala denuncia do PACPRONA da Garda Civil.
Débese asegurar que os cambios introducidos non afectan á estabilidade da obra e repercutir ás persoas responsábeis calquer sobrecoste que os seus actos poidan supoñer para o Concello.
O actual alcalde, daquela Concelleiro de Obras e Medio Ambiente, fixo caso omiso dos avisos tanto do representante do BNG como dos técnicos municipais, que alertaban das irregularidades.
O Pleno Municipal aprobou o 28 de xuño por unanimidade, a proposta do BNG, demandar á Xunta e a Fomento un estudo das alternativas de conexión entre a AP9 e o aeroporto, e a súa publicación antes de realizar a escolla.
Das declaracións do Goberno Municipal despréndese que nestes 7 meses non fixeron ningunha xestión perante esas Administracións, a mesma inacción que amosan na aprobación do novo PXOM e no retraso de presentar os orzamentos para 2019.
Só despois da denuncia do BNG perante a Fiscalía, o Goberno Municipal acelerou os trámites para a aprobación da resolución do contrato de concesión da Garrocha nun pleno urxente.
O BNG leva dende 2011 tratando de conseguir a resolución da Concesión, perante os incumprimentos da empresa.
O informe da Tesourería Municipal permite coñecer o importe da débeda da concesionaria: 326.609€, moi superior ao aval depositado de 120.000€.
As funcionarias habilitadas nacionais afirman no seu informe que o expediente posto ao seu dispor estaba incompleto, ao tempo que manifestan a necesidade de depurar responsabilidades.
A recuperación do Complexo poderá axudar a cubrir a demanda existente de instalacións deportivas.
O Goberno Municipal debe contactar co actual cadro de persoal para estudar a súa situación.
O uso deste solar xa foi motivo de investigación xudicial diante das denuncias de funcionarios municipais que remitian a informes desfavorábeis á situación de uso privado como aparcamento que aínda ten.
O Goberno de José Ramón Rioboo, instalado no "futuro imperfecto" de anuncios que tarde o nunca se fan realidade, segue sen levar adiante ningún tipo de actuación para a súa recuperación e adecuación.
Agardamos que entre os proxectos que se escollan para presentar ao POS+ da Deputación o Goberno Municipal inclúa a proposta do BNG para este espazo.
A Conta Xeral de 2017 é unha burla á veciñanza de Culleredo, ao dar por boas importantes perdas económicas para o Concello.
Non inclúe, entre outras, as instalacións do CLT que non reverteron para o patrimonio público, como pedía a Secretaría Municipal no seu informe.
A depuración de responsabilidades pola perda patrimonial no CLT foi rexeitada polo PSOE co apoio dos partidos da "nova política", nunha mostra da nula rexeneración que aportan a Culleredo.
O 22 de outubro de 2013 iniciouse o procedemento de Avaliación Ambiental. Hoxe o proceso aínda non está rematado. Polo medio houbo eleccións antes das cales presentáronse proxectos dos que nada máis se volveu saber. Xa abonda. É hora de recuperar a nosa Ría.
O BNG levou ao Pleno Municipal do pasado xoves o retraso na convocatoria das subvencións, despois de recibir queixas das asociacións e de que estas se repetisen nos Consellos Sectoriais da semana pasada.
Nen as persoas representantes do Goberno Local nos Consellos Sectoriais, nen o alcalde no Pleno, foron quen de explicar os motivos do retraso. Limitáronse a dicir que serían convocadas "en breve" e que estaban "en trámites", o que contribúe a aumentar a incerteza.
O retraso na convocatoria destas axudas, cando falta un mes para que remate o ano, dificulta o funcionamento normal das asociacións e a posta en marcha das súas iniciativas.
