REXEITADAS POLO PP AS EMENDAS DO BNG PARA CULLEREDO
O Parlamento Galego, con maioría absoluta do PP, ven de aprobar os orzamentos da Xunta para o ano 2015. Das 1295 emendas presentadas pola oposición, non admitiron ningunha.
Entre as emendas figuraban as demandas do BNG para Culleredo, que recollían moitas das demandas sociais, como o saneamento da Ría e a súa recuperación para o marisqueo, a dotación económica para a construción do Centro de Saúde do Portádego ou do novo CEIP, a planificación de outro Colexio, ou a mellora dos comedores escolres.
Tamén se pedía orzamento para o transporte metropolitano, tanto por estrada como por ferrocarril, e para a reparación do paseo do Río Trabe á altura do campo de fútbol do Burgo, gravemente deteriorado e que supón un perigo para os peóns e, sobre todo, para os nenos e nenas que acuden ás instalacións deportivas e educativas que hai nas inmediacións.
Ninguna delas mereceu a aprobación dos deputados e deputadas do Partido Popular