O Pleno de Organización do Concello de Culleredo, que tivo lugar o 29 de xuño, aprobou a proposta do BNG-Asembleas Abertas de reducir o soldo do Alcalde, de 55.000€ anuais a 51.666€.

A proposta incluía empregar os cartos aforrados, 3.334€, para crear un fondo para bolsas de estudos para traballos universitarios, ou de graos superiores de ciclos formativos, relacionados con Culleredo. Nese momento denegouse a posibilidade de votar esta proposta e por iso se vai someter á decisión do pleno do mes de xullo coa intención de que sexa aprobado e se poña en marcha xa para este curso académico.

Para Tono Chouciño, voceiro nacionalista, "un fondo deste tipo incentivaría o desenvolvemento de traballos de contido cualificado sobre materias e proxectos de interese para o noso Concello, fixando a atención da xente nova, o talento de Culleredo, sobre o noso entorno para pór en práctica os coñecementos adquiridos nos seus estudos"