Cando xa pasou máis da metade do mandato, e trala petición feita polo BNG, o Goberno de Julio Sacristán convoca a Comisión Especial do PXOM.
A convocatoria non prevé a asistencia técnica do Servizo de Urbanismo nen do equipo redactor do Plan, tal como tamén se solicitara, dada a complexidade dos asuntos a tratar.
O BNG reclamou no Pleno un maior impulso polo Concello do Camiño Inglés, por ser un elemento patrimonial, cultural, turístico e económico que precisa ser posto en valor.
Tono Chouciño chamou a atención sobre o abandono no que se atopa o treito e a falta dunha sinalización informativa dos lugares de interese polos que pasa.
É contradictorio que o Goberno Municipal pretenda ingresar nunha Asociación de Concellos do Camiño sen saber a súa utilidade e cando aínda ten múltiples eivas por abordar no treito que transcorre por Culleredo.
Dous días despois do Pleno os responsabeis municipais comunican pola prensa novidades sobre o PXOM que poderían e deberían ter sido expostas nese Pleno ou nas Comisións Informativas, xogando ao obscurantismo mentras hai 1100 alegacións de veciñas e veciñas de Culleredo a agardar por unha contestación dende hai 4 anos.
O pasado mércores o BNG reuniuse con persoas afectadas polo descontrol nas festas do Burgo e Vilaboa, e que ante a inacción do Concello víronse na obriga de recorrer á Valedora do Pobo en varias ocasións dende o ano 2014.
Esta institución requeriu ao Concello para que cumpra e faga cumprir a lexislación en materia de ruídos e protección do medio ambiente.
O BNG-Asembleas Abertas de Culleredo está a receber numerosas queixas da veciñanza de Vilaboa polos resultados das festas de Vilaboa e pola preocupación existente de cara ás do Burgo, mostra da escasa confianza nas promesas feitas recentemente polo Goberno Municipal.
Culleredo debe avanzar nunha regulación que dea claridade aos procedementos de contratación de eventos en espazos públicos, garantindo a igualdade de oportunidades e tamén, en todo caso, a seguridade e as condicións de hixiene tanto para as persoas que acuden aos eventos como para o conxunto de veciños e veciñas.
O Concello debe tamén ter unha maior implicación na organización das festas populares, que nalgún caso derivaron a un modelo de festas de macrobotellón, todo o contrario do que a administración municipal debe fomentar.
O novo texto incorre en incongruencias e falta de claridade en varios apartados, só sirve para botar unha cortina de fume sobre o nulo control do cumprimento da ordenanza actual.
Na súa elaboración prescindiuse da opinión dos Consellos de Participación Cidadá, que deberían ser os órganos onde se debatan este tipo de normas para que os veciños e veciñas fagan as súas achegas, resgatándoos da burocratización na que están sumidos polo Goberno Municipal.
Todos os anos o Goberno de Culleredo repite as mesmas excusas, sen que se aprecien melloras no control da limpeza dos soares nin no control das distancias ás casas de plantacións de especies que axudan a propagar o lume.
Pola súa parte AENA ten requirido ao Concello a corta de árbores na zona de afectación do aeroporto. Que se ten feito con respecto a isto?
As autoridades deben tomarse en serio as súas responsabilidades.
O BNG-Asembleas Abertas de Culleredo manifesta a súa solidariedade co pobo portugués ante a traxedia provocada polos incendios forestais. O voceiro nacionalista fai fincapé na necesidade de que a Administración asuma o exercizo das súas competencias, reforzando a prevención á vista dos anuncios de aumento progresivo das temperaturas.
Despois de dirixir as súas queixas ao Goberno Municipal, manifestan que nin recibiron contestación nin se resolveron os problemas denunciados na estrada N550, unha vía que é titularidade de Fomento aínda que o seu transpaso ao Concello anunciose en repetidas ocasións, e é obriga deste interesarse pola seguridade dos seus veciños e veciñas ante quen corresponda.
