Pleno Municipal de outubro
Este xoves, día 29, terá lugar o Pleno correspondente ao mes de outubro. Será no Salón de Plenos da Casa do Concello, a partir das 20.30 h.
A Orde do Día é a seguinte:
1.- Aprobación, se procede, da acta da sesión celebrada o 24 de setembro de 2015.
2.- Proposta de modificación de ordenanzas fiscais para o ano 2016: ordenanzas núm. 1 (Imposto sobre Bens Inmobles), 3 (Imposto sobre o Incremento de Valor de Terreos de Natureza Urbana), 5 (Imposto sobre Construcións, Instalacións e Obras) e 14 (Taxa por Distribución de Auga).
3.- Proposta de aprobación inicial da modificación do Regulamento de Uso de Locais.
4.- Proposta sobre resolución do Recurso de Reposición presentado por COMOEN contra o acordo adoptado en sesión plenaria de 30/07/2015 de rectificación do apartado primeiro do acordo de aprobación definitiva do Expediente de Expropiación por Tasación Conxunta dos terreos destinados a equipamento escolar e zona verde anexa na Avda. de Rutis S/N (Zona Lavandeira) e modificación da relación de propietarios de bens e dereitos afectados.
5.- Proposta sobre aprobación inicial do Regulamento do Club +65
6.- Proposta sobre nomeamento de membros do Consello Escolar Municipal.
7.- Previa ratificación da súa inclusión na Orde do Día, Moción de Cidadáns relativa á elaboración de Xornadas e Axenda de Traballo do Alcalde e Concelleiros/as con dedicación.
8.- Previa ratificación da súa inclusión na Orde do Día, moción do BNG relativa ao apoio á traballadora dunha empresa.
9.- Previa ratificación da súa inclusión na Orde do Día, moción relativa á Marcha estatal contra as violencias machistas de 7 de novembro 2015.
10.- Previa ratificación da súa inclusión na Orde do Día, moción do BNG relativa ás escolas infantís.
11.- Previa ratificación da súa inclusión na Orde do Día, moción do BNG relativa aos comedores en centros de ensino de Culleredo.
12.- Previa ratificación da súa inclusión na Orde do Día, moción do BNG relativa á constitución da Área Metropolitana.
13.- Dación de Conta do acordo relativo ao Real Decreto-Lei 10/2015 de 11 de setembro, no referente ao pago da parte proporcional de Paga Extraordinaria e dereitos dos traballadores por vacacións por antigüidade e asuntos propios.
14.- Dación de Conta de seguemento da execución orzamentaria
15.- Dación de Conta de levantamento de reparos
16.- Dación de Conta de incorporacións ao Rexistro Municipal de Subvencións no terceiro trimestre de 2015.
17.- Dación de Conta de resolucións da Alcaldía e Concellarías Delegadas.
18.- Informe sobre Consorcio "As Mariñas"
19.- Informe sobre Grupo de Desenvolvemento Rural (GDR).
20.- Informe sobre a EDAR-Bens
21.- Mocións urxentes.
22.- Rogos e preguntas.