intervencion

- Desde o mes de xaneiro o BNG está a reclamar a cobertura interina do posto de Intervención Municipal pola ausencia prolongada da persoa titular.

- A Intervención é un posto clave na Administración Municipal e a súa ausencia prexudica gravemente a tramitación de expedientes.

- En maio aprobouse de xeito unánime a moción do BNG para pedir á Xunta colaboración para designar unha persoa substituta.

- Malia as reiteradas veces en que o Goberno Municipal xustifica as súas demoras na falta de persoal, as últimas novas indican que a petición á Xunta está sen resolver por falta dunha sinatura do Alcalde José Ramón Rioboo.

O Grupo Municipal do BNG vén de presentar unha proposta para solicitar da Xunta de Galiza a súa intervención diante da acumulación de impagos por parte do goberno municipal.

Corresponde á Intervención Xeral da Xunta de Galiza a tutela financeira sobre as administracións públicas locais.

Cómpre solicitar a intervención deste órgano para desbloquear o procedemento e aclarar as responsabilidades do goberno municipal.