O BNG de Culleredo pon á disposición da veciñanza un modelo de solicitude de acceso ao expediente iniciado pola solicitude previa de desbroce dunha parcela.
Todos os anos o Goberno de Culleredo repite as mesmas excusas, sen que se aprecien melloras no control da limpeza dos soares nin no control das distancias ás casas de plantacións de especies que axudan a propagar o lume.
Pola súa parte AENA ten requirido ao Concello a corta de árbores na zona de afectación do aeroporto. Que se ten feito con respecto a isto?
As autoridades deben tomarse en serio as súas responsabilidades.
No Pleno do pasado xoves o concelleiro do BNG-Asembleas Abertas de Culleredo presentou unha moción urxente de revogación do Concelleiro de Seguridade Cidadá, Medio Ambiente, Servizos e Obras, José Ramón Rioboo, polos continuos incumprimentos e deficiencias na xestión das súas áreas.
