Novas
Cros

O BNG propón acudir á financiación europea para o proxecto da Cros

O edificio da fábrica da Cros ten que ser recuperado canto antes, para non deixar morrer unha das escasas mostras de arquitectura industrial de Galiza.

En primeiro lugar, deberá de acometerse un estudo do estado da descontaminación das parcelas.

O BNG propón aproveitar esta instalación para ofrecer servizos culturais, sociais e asistenciais, para o que preparará un proxecto de ámbito supramunicipal co que acudir aos novos Plans de Financiamento Europeo 2021.

Ler novas
Luis Bará en Culleredo

O BNG leva ao Parlamento a conexión da AP9 e o Aeroporto

A iniciativa demanda a realización dun estudo das alternativas para a conexión entre a AP9, o aeroporto de Albedro e a terceira rolda.

O debate da Proposición non de lei, presentada polo deputado nacionalista Luís Bará, terá lugar mañá venres, a partir das 10.30 h.

O Pleno Municipal aprobou por unanimidade (incluíndo os votos de PP e PSOE) a demanda dun estudo de alternativas á Xunta e a Fomento, sen ter constancia a día de hoxe das xestións realizadas.

Ler novas
Tono Chouciño durante a súa intervención

Traballo e honradez, bases para transformar Culleredo

Tono Chouciño puxo o traballo desenvolto durante estes catro anos como os alicerces do Culleredo máis social, máis participativo e coas dotacións precisas de servizos públicos, que é preciso construír.

O candidato á alcaldia recalcou que Culleredo é un Concello con recursos, e que cómpre pór eses recursos ao servizo da súa veciñanza, primando sempre os seus intereses e benestar.

A eurodeputada do BNG, Ana Miranda, salientou o esforzo de Tono Chouciño por levar os problemas de Culleredo aos centros de decisión, e anunciou a próxima participación do candidato nunha xornada en Bruxelas sobre a aplicación de fondos europeos no cumprimento da directiva marco da auga.

O BNG de Culleredo disponibilizou na súa páxina web unha escolma do traballo levado a cabo estes catro anos.

Ler novas
Votación no pleno de maio 2018

O Pleno Municipal apoia as alegacións do BNG ao Vial 18

O Pleno aprobou apoiar as alegacións ao Vial 18 presentadas polo BNG, coa abstención de PSOE, PP, Marea e Ciudadanos.

O portavoz do BNG lamentou non dispor do estudo de alternativas demandado polo Pleno por unanimidade, unha mostra máis do desprezo do Goberno do Sr. Rioboo polas súas resolucións.

Lamentou tamén a desautorización do Sr. Ángel Seoane aos edís do seu partido, que votaron a favor das alegacións, ao postularse a favor do proxecto.

 

Ler novas
ap9 ampliación vilaboa cruce n550

O BNG presenta unha moción urxente en apoio ás súas alegacións ao proxecto do Vial 18

O BNG presentará ao Pleno do Xoves 28, unha moción urxente propoñendo aos grupos políticos apoiar as súas alegacións ao Vial 18.

A conclusión deste texto é a solicitude de retirada debido principalmente á ocultación do proxecto relacionado que proxecta ampliar a oito carriles o traxecto dende a área de servizo da AP9 en Almeiras até o monte Alfeirán.

O goberno municipal non foi quen de aclarar se presentaran alegacións en prazo.

Ler novas
ampliación AP9 a 4 carrís previa ao Vial18

O BNG leva o Vial 18 ao Parlamento Galego

O BNG levará a conexión de AP9, aeroporto e terceira rolda ao Parlamento Galego, para demandar información da Xunta de Galicia.

O Goberno Municipal debe convocar de urxencia unha asemblea informativa aberta para aclarar as dúbidas da veciñanza, antes do remate do prazo de alegacións.

O proxecto actual do Vial18 prevé a ampliación da autoestrada a catro carrís por sentido entre A Barcala e novo enlace, proxecto este que non foi sometido a información pública nen conta con estudos ambientais coñecidos.

Ler novas
vial18 enlace AP9

O BNG de Culleredo urxe ao concello a convocar a reunión informativa sobre o Vial 18

O Goberno Municipal debe convocar reunión informativa coa veciñanza, acompañado de técnicos para atender as preguntas.

No Pleno de xaneiro, celebrado o día 31, o alcalde anunciou que convocaría Pleno extraordinario “en 10 ou 12 días”, pero a día de hoxe nada se sabe da convocatoria nen da información que manexa o Goberno Municipal.

É preciso coñecer cal é o resultado dos estudos de viabilidade sobre o acceso á AP9 dende a área de servizo en Almeiras.

A AP9 ten múltiples débedas con Culleredo que é preciso resolver, como os accesos ao colexio Isaac Díaz Pardo, o soterramento no seu cruce coa N550 en Vilaboa, ou a ampliación dos pasos peonís nas pontes como a da Costa da Lonxa.

Ler novas
Camiño Orro-Ledoño

O Pleno aproba a iniciativa do BNG para recuperar o camiño Orro-Ledoño

A resolución é plenamente executiva, ao tratarse dunha competencia do Pleno Municipal.

O alcalde intentou a súa retirada sen dar máis expliacións que insinuacións inintelixíbeis.

Este será o primeiro paso para a recuperación do camiño tradicional de Ledoño a Orro, despois dun ano de inacción do Goberno Municipal.

Ler novas
Camiño Orro-Ledoño

O BNG impulsa no Pleno os trámites para a recuperación do camiño de Orro a Ledoño

Malia aprobarse por unanimidade en 2018 unha moción para a recuperación do camiño tradicional de Ledoño a Orro, non temos coñecemento de que o Goberno Municipal levara a cabo nengúnha xestión para o seu cumprimento.

O camiño foi dado de baixa do inventario municipal para a construcción dunha estación intermodal vencellada ao CLT de Ledoño, algo que nunca se realizou.

A nova moción inclúe o acordo plenario de que se inicie o expediente para a recuperación dos terreos e se incorporen novamente ao inventario municipal. É o xeito de avanzar na tramitación sen depender do Goberno Municipal.

Ler novas
Sanción Augas de Galiza Río Trabe

Sanción ao Concello de Culleredo polas obras no Río Trabe

Augas de Galiza sanciona ao Concello por modificar o noiro do paseo fluvial sen autorización e incumprindo as condicións establecidas.

A obra, cun importe de 140.000€, está a ser investigada tamén polo Xulgado nº3, trala denuncia do PACPRONA da Garda Civil.

Débese asegurar que os cambios introducidos non afectan á estabilidade da obra e repercutir ás persoas responsábeis calquer sobrecoste que os seus actos poidan supoñer para o Concello.

O actual alcalde, daquela Concelleiro de Obras e Medio Ambiente, fixo caso omiso dos avisos tanto do representante do BNG como dos técnicos municipais, que alertaban das irregularidades.

Ler novas