O martes 19, ás 20.00h., terá lugar no Burgo, na Sala de Vídeo do Edificio de Servizos Múltiples, unha Asemblea Aberta do BNG de Culleredo, para analizar cos veciños e coas veciñas a situación actual do noso Concello e dar conta do traballo feito nestes últimos meses.

Entre os temas a tratar destacan o estado actual da tramitación do novo PXOM e a elaboración dos orzamentos participativos para o ano 2018.

Para Tono Chouciño, representante do BNG-Asembleas Abertas de Culleredo, "no momento actual tanto o PXOM como o proceso de elaboración dos orzamentos son de vital importancia para o futuro inmediato de Culleredo, pois marcarán como e cara onde queremos medrar, polo que é importante a participación activa da cidadanía, que debe ser estimulada dende o Goberno Municipal e mesmo dende os grupos que estamos na oposición".