Esta semana volveron producirse incidencias no funcionamento das tarxetas prepago do bus metropolitano, que provocou que persoas usuarias deste servizo non se puideran beneficiar do correspondente desconto, que deixa o billete en 0,85€, tendo que pagar 1,50€ ou quedar en terra en caso de non dispor desa cantidade en efectivo.

Tono Chouciño demandou no Pleno Municipal a mediación do goberno municipal na defensa dos seus veciños e veciñas, ante os prexuízos que esta situación lles causa aos usuarios do transporte público, e a reiteración dos fallos.

Lamentablemente a única constestación obtida do Alcalde de Culleredo, Sr. Julio Sacristán, foi que os prexudicados podían reclamar a diferenza do billete no despacho da compañía na Estación de Autobuses da Coruña.

Ante esta situación, dende o BNG-Asembleas Abertas de Culleredo vémonos na obriga de demandar do Goberno Municipal que actúe na defensa dos seus veciños e veciñas, e que se "exixa da Xunta de Galiza unha solución definitiva a un sistema que nunca funcionou correctamente", manifestou Tono Chouciño.