A petición de información está baseada na solicitude do voceiro do BNG, Tono Chouciño, para acceder aos expedientes dos convenios urbanísticos asinados polo Concello de Culleredo.

Esta información é imprescindíbel para analizar o proxecto de PXOM en trámite, pois poden condicionalo e mesmo ameazar a estabilidade financeira do Concello

As previsións de crecemento utilizadas na redacción do PXOM son totalmente desproporcionadas. Cifra en os 40.000 habitantes de Culleredo para 2025, cando na actualidade non chegamos aos 30.000.

A información facilitada polo Goberno Municipal en outubro non incluía nengunha das modificacións con respecto á aprobación inicial de 2013.

Ao comparar esa información coa Memoria Ambiental comprobamos que existen numerosas discrepancias, como un ámbito da Zapateira que aumentou 120.000 m².

Dada a complexidade e a cantidade de información a analizar solicitamos asistencia técnica na sesión constitutiva da Comisión Especial do PXOM que se celebrará este mércores día 30.

Cando xa pasou máis da metade do mandato, e trala petición feita polo BNG, o Goberno de Julio Sacristán convoca a Comisión Especial do PXOM.

A convocatoria non prevé a asistencia técnica do Servizo de Urbanismo nen do equipo redactor do Plan, tal como tamén se solicitara, dada a complexidade dos asuntos a tratar.

Preguntámonos como pode ser que estando obrigados os polígonos urbanísticos a ceder edificabilidade ao Concello, e co grande desenvolvemento urbanístico vivido nas últimas décadas en Culleredo, o Concello non tivese terreos para cumprir o convenio do Colexio Ría do Burgo. 

Trátase da terceira ocasión na que o BNG se interesa por este tema, tras outras dúas nas que o Goberno Municipal non foi quen de confirmar o pago deste imposto nas obras incluídas nos expedientes requeridos recentemente polo Xulgado.

O BNG amplía a súa petición de información sobre o Colexio tamén ao Pavillón Polideportivo anexo pois, segundo a información disponíbel, estaría construído en terreos catalogados como Zona Verde. 

Neste tipo de solo só se poden executar instalacións deportivas ou culturais descubertas, que non excedan os 7 metros de altura.

O BNG promove, xunto co resto dos grupos da oposición, unha Xunta de Voceiros extraordinaria para que o Goberno dea explicacións ante o Pleno pola presenza da Policía Xudicial no Concello en demanda de expedientes para o Xulgado.

O BNG xa ten demandado no Pleno explicacións de Julio Sacristán polo seu aval a un promotor, así como a creación dun Servizo de Vixilancia e Protección Urbanística, que tivo por resposta un desaforado ataque por parte do Goberno Municipal.

A sentenza obriga ao pago de 1,5 millóns de euros por invadir propiedade privada na construción do CEIP Ría do Burgo, incumprindo Convenio que foi proposto polo Alcalde, Julio Sacristán, a quen o Pleno facultou para "levar a bo fin o Convenio", cousa que evidentemente non aconteceu.
Segundo o Convenio o Concello debía facilitar á promotora unha parcela con 3000 m2 de edificabilidade, cando a parcela que se adquiría a tiña de 120 m2. Ademais, para poder ocupar a parcela debería tela recalificado, cousa que nunca fixo. A sentencia deixa o CEIP Ría do Burgo en condicións de precariedade urbanística.
O BNG-Asembleas Abertas de Culleredo votará en contra dun Orzamento que asume un negocio que resultou ruinoso e hipoteca as arcas municipais, sen nengún tipo de depuración de responsabilidades.
 

O Pleno sobre o Estado do Municipio celebrado o pasado martes supuxo a posta en escena dun Goberno Municipal á deriva. A súa falta de ideas quedou demostrada nas propostas de resolución presentadas por Sacristán, na súa maioría xa presentadas polo BNG-Asembleas Abertas e incluso aprobadas con anterioridade no Pleno.

Tono Chouciño realizou novas propostas para defender aos veciños e veciñas de Culleredo fronte á inmobilidade do Goberno Municipal, como a reclamación dunha nova exposición do PXOM trala introdución das emendas, o inicio do proceso de liquidación do CLT de Ledoño, que bote luz sobre todo o proceso, e a creación dun Servizo de Disciplina Urbanística, imprescindíbel en Culleredo á vista dos antecedentes