Bloque Nacionalista Galego de Culleredo :: Últimas novas - Novas

O Consello de Contas dá a razón ao BNG de Culleredo

BNG de Culleredo — Sun, 29 Jun 2025 11:16:04 +0200

O BNG de Culleredo denunciou perante o organismo irregularidades na contratación pública, que agora se ven refrendadas polo Consello de Contas.
O informe do organismo fiscalizador confirma a fala de control, fala de planificación e prácticas que non garanten nen a trasparencia nen a igualdade.
O organismo confirma que estas prácticas agudízanse ao achegárense as eleccións municipais, e pon nome as empresas beneficiadas.
O BNG non vai mirar cara outro lado, perante unhas prácticas que rompen coa confianza que a veciñanza deposita nas persoas que xestionan os recursos públicos.

O BNG insta á Xunta a asumir os custos do Conservatorio de Culleredo por ser competencia súa

BNG de Culleredo — Sun, 13 Apr 2025 11:32:25 +0200

Presentará esta reclamación no Parlamento apoiada por máis de 400 sinaturas

O BNG insta á Xunta a que convoque axudas para que os Concellos poidan cubrir os custos da xestión en tanto planifica a asunción das súas competencias

O BNG insta ao goberno de Culleredo que avance na elaboración da nova ordenanza do uso do galego

BNG de Culleredo — Sun, 13 Apr 2025 11:22:17 +0200

O BNG levou ao pleno de xullo de 2024 unha moción para instar á elaboración dunha nova ordenanza sobre o uso do galego.

A moción foi aprobada por unanimidade.

Actualmente non se ten coñecemento de ningún avance en relación a este acordo plenario.

Aprobada a moción do BNG de Culleredo para solicitar a suspensión da licitación do recinto deportivo de Acea de Ama

BNG de Culleredo — Sun, 13 Apr 2025 11:19:36 +0200

Aprobada en Pleno a moción do BNG de Culleredo para solicitar á Xunta de Galiza que deixe en suspenso o proceso de licitación da xestión das instalacións deportivas de Acea de Ama aprobado no Consello da Xunta o pasado 10 de marzo.

O Consello da Xunta ven de aprobar a licitación da xestión do recinto cullerdense por un período de 20 anos cunha previsión de ingresos de 50 millóns de euros durante a duración do contrato.

Non se prevé a dotación dunha nova piscina de dimensións olímpicas, instalación que a natación da nosa comarca necesita.

Rioboo agocha 900.000€ en facturas pendentes

BNG de Culleredo — Sun, 13 Apr 2025 11:09:42 +0200

O Concello de Culleredo agocha 320 facturas sen contabilizar do último trimestre de 2024.

O tempo medio de pagamento aos provedores, no mesmo período, é de 197 días (6,5 veces os 30 días sinalados pola Lei).

O Goberno Municipal aínda non presentou perante o Consello de Contas a Conta Xeral de 2023, que debería ter sido presentada o 15 de outubro de 2024.

Formularios de alegación e solicitude de ampliación de prazo para limpeza de fincas

BNG de Culleredo — Wed, 6 Nov 2024 18:40:27 +0100

O BNG de Culleredo pon a disposición da veciñanza afectada formularios para a presentación de alegacións ou para a solicitude dunha ampliación no prazo para a execución dos traballos requiridos polos requirimentos enviados polo Concello de Culleredo para a xestión de biomasa.

O BNG esixe a execución inmediata da reforma do pavillón de Tarrio

BNG de Culleredo — Wed, 18 Oct 2023 16:17:52 +0200

O proxecto, financiado pola Deputación da Coruña, leva paralizado desde a formalización do contrato en novembro de 2021.
As obras de reforma tiñan un prazo de execución de 4 meses, e deberían ter sido rematadas en marzo de 2022.
As entidades usuarias levan reclamando durante anos solución ás deficiencias que lles impiden competir en mínimas condicións de seguridade e que fan que acumulen sancións por parte das federacións.

O BNG de Culleredo traslada 50 medidas imprescindibles para os 100 primeiros días de goberno

BNG de Culleredo — Wed, 26 Jul 2023 15:19:46 +0200

O goberno municipal de Culleredo aínda non convocou o Pleno de Organización no que debe dar conta da estructura política da súa administración e que xa se celebrou en tódolos concellos da Comarca.

Diante da situación de parálise do goberno municipal, o BNG de Culleredo ten trasladado ao goberno municipal e ao PSOE de Culleredo máis de 50 medidas a levar a cabo dentro dos 100 primeiros días de actividade do novo goberno.

Segundo o portavoz nacionalista, Tono Chouciño, “as medidas trasladadas polo BNG ao goberno municipal de Culleredo son esenciais para contar cun goberno que se poida chamar transparente e decente”.

A Asemblea do BNG de Culleredo ratifica a decisión de non pactar con Riobóo

BNG de Culleredo — Fri, 16 Jun 2023 12:24:45 +0200

O compromiso e a honestidade cara os seus votantes, a defensa do interese común e o rexeitamento das políticas escurantistas do goberno de Riobóo durante os últimos 6 anos, principais motivos da formación nacionalista para non apoiar a candidatura socialista no Pleno de investidura.

Riobóo liderou durante os últimos 6 anos un goberno municipal que actuou con total falta de transparencia e de costas á veciñanza, sen ter en conta o beneficio común, no que o chanchullo foi sempre o centro de decisión.

Segundo o portavoz nacionalista, Tono Chouciño, “Non temos nada en común con Riobóo nin co seu goberno. O BNG é coherente coa súa política de defensa da veciñanza e iso é incompatible con apoiar a Riobóo como Alcalde.”

Consulta o traballo realizado polo grupo municipal nos últimos catro anos

BNG de Culleredo — Thu, 11 May 2023 14:16:13 +0200

CONSULTA AQUÍ UNHA ESCOLMA DO TRABALLO REALIZADO POLO GRUPO MUNICIPAL DO BNG DURANTE A LEXISLATURA 2019-2023 Ti sabes, coma nós, que Culleredo precisa dun cambio. Merecemos moito máis. Mereces un concello que escoite as túas necesidades e...