Bloque Nacionalista Galego de Culleredo :: Últimas novas - Novas

Culleredo continúa a sofrer os problemas co transporte público metropolitano

Sat, 2 May 2026 18:00:00 +0200

A Xunta antepón o transporte de viaxeiros ao aeroporto ás necesidades da veciñanza de Culleredo.

En Vilaboa e no Portádego os autobuses continúan deixando persoas nas paradas.

Continúa a estar sen cubrir o servizo de taxi adaptado para dar servizo a persoas de mobilidade reducida.

O BNG URXE COMEZAR OS TRÁMITES DE REFORMA DO PAVILLÓN DE TARRÍO

DEPORTES — Sat, 17 Jan 2026 16:50:11 +0100

As competicións rematan en 5 meses e a obra debe comezar tan pronto rematen.

A obra debe importunar o menos posíbel o comezo da seguinte tempada.

Hai fondos, din que teñen o proxecto e as actuais instalacións están en condicións lamentábeis. É preciso que comecen os trámites de licitación canto antes.

MÁIS SOMBRAS QUE LUCES NA ILUMINACIÓN DE NADAL EN CULLEREDO

BNG de Culleredo — Sun, 21 Dec 2025 16:22:03 +0100

O nulo interese do goberno municipal por apoiar o comercio local provocou a demora de 12 días no acendido nas luces de Nadal.

A empresa adxudicataria, a mesma dos últimos anos e única que se presentou, vai cobrar a totalidade do orzamentado malia ese recorte no tempo efectivo de prestación do servizo.

O Goberno municipal está instalado no abandono e no desinterese total polas súas responsabilidades.

O BNG solicita a intervención do Consello de Contas

Sat, 13 May 2023 15:33:06 +0200

O BNG de Culleredo reclama que se auditen as contas do Concello de Culleredo dos anos 2020 e 2021.

Repítese, como en 2019, un abuso descarado da contratación menor en período electoral.

O Goberno de José Ramón Rioboo trata de tapar a súa incapacidade durante os últimos 4 anos cunha chuvia de obras nas últimas semanas.

Culleredo precisa rescatar a súa Administración

Fri, 7 Apr 2023 17:54:46 +0200

O BNG recibiu queixas de traballadores municipais por numerosas vacantes sen cubrir en diversos departamentos.

Esta falta de persoal impide o normal funcionamento da Administración local.

O propio Servizo de Persoal ten 4 vacantes sen cubrir de 7 postos de traballo, realizándose os trámites de nóminas e Seguridade Social dende o Concello de Pontedeume.

É hora de pór fin a esta situación, non sabemos até que punto buscada polo actual Goberno Municipal, e recuperar a Administración do Concello de Culleredo e poñela a traballar para garantir o benestar da súa veciñanza.

O BNG demanda a paralización das oposicións á Policía Local

Sat, 1 Apr 2023 17:52:39 +0200

A resolución polo Alcalde do recurso interposto por varios interesados, é nula de pleno dereito.

De acordo co Tribunal Supremo, o órgano competente para resolver as revisións de actos nulos de pleno dereito é exclusivamente o Pleno municipal.

Débese paralizar o proceso para garantizar os dereitos das persoas interesadas e salvagardar os intereses do Concello de Culleredo

O BNG solicita a rectificación das bases dun proceso selectivo

Sat, 21 Jan 2023 17:58:42 +0100

A lei especifica as titulacións precisas para o acceso á Subescala Técnica da Escala de Administración Xeral.

O Concello de Culleredo abre a participación no proceso selectivo a persoas con titulacións que non están entre as admitidas polo Real Decreto Lexislativo 781/1986.

Unha norma de rango de Lei, como é o RDL 781/1986, non pode ser modificada por unha norma de rango inferior, como é a convocatoria dunha oposición.

É preciso iniciar a revisión de oficio do expediente e paralizar as actuacións do proceso selectivo, para evitar lesionar os intereses tanto das persoas interesadas no proceso como do propio Concello, que se pode ver inmerso en novos procedementos xudiciais.

O Goberno Municipal incumple os acordos plenarios sobre o recurso ao Plan Director do aeroporto.

Sat, 17 Dec 2022 19:14:20 +0100

O Grupo Municipal do BNG, a un día de que remate o prazo, non ten constancia de que o Goberno Municipal cumprira nengún dos acordos aprobados por unanimidade o pasado mes de outubro.

O BNG solicita que o Goberno Municipal publique o informe que di ter, elaborado por unha "asistencia técnica especializada", segundo anunciou na prensa o Sr. Alcalde.

Recheos sen licenza na Rúa Pablo Picasso

Sat, 10 Dec 2022 18:00:00 +0100

A autorización de Augas de Galiza, actualmente en trámite, é previa á concesión de calquera licenza de obra.

Trátase da parcela da rúa Pablo Picasso na que xa houbo recheos hai meses e constátase agora o que dicía o BNG que eran sen licenza.

O recheo efectuado provoca, nos días de chuvia, escorrentías de lama que rematan na Ría do Burgo.

O BNG de Culleredo xa preguntou en varias ocasións polas obras efectuadas e visitou o solar coa deputada Mercedes Queixas e representantes de asociacións naturalistas.

O BNG leva ao Parlamento a falta de profesionais de apoio no IES Rego de Trabe

Wed, 2 Nov 2022 19:47:32 +0100

O BNG dá traslado ao Parlamento das demandas das familias afectadas, logo de reunirse con elas.

O Pleno Municipal de outubro aprobou por unanimidade unha resolución en apopio ás familias e demandando a urxente solución do problema.

A Xunta debe resolver de xeito urxente un problema que ela mesma xerou e que afecta ao dereito básico que este alumnado ten de recibir unha educación de calidade, inclusiva e adaptada á diversidade.