Culleredo, 15 de xaneiro de 2013.- Ante o número de casos que están chegando aos Servizos Sociais relacionados co fracaso escolar, motivado por dificultades de índole familiar e/ou social que inflúen negativamente no rendemento escolar, dende a Concellaría de Benestar se está a por en funcionamento un Plan de Impulso Socioeducativo para a Mellora Escolar (PISCA).

Dito plan busca mellorar as canles de comunicación entre a comunidade escolar e os servizos municipais, optimizar a intervención directa nos casos detectados e fomentar a participación das familias en programas comunitarios preventivos, e potenciar os servizos e recursos comunitarios de apoio.

A presentación do proxecto comezou onte no IES Blanco Amor e hoxe no CEIP de Tarrío, con moi boa acollida pola comunidade educativa, e continuará os vindeiros días polos demais centros do Concello.