Nas recentes reunións dos Consellos de Participación revelouse como unha preocupación recurrente, pola xeración de suciedade e de situacións de conflictividade. BNG-Asembleas Abertas de Culleredo reuniuse con representantes veciñais e de asociacións protectoras de animais para elevar un texto de consenso.

A creación de pipicáns incorporouse ás cláusulas para o novo contrato de Limpeza Viaria a iniciativa do BNG, pero a súa tramitación está paralizada dende o ano pasado.
 

O anterior contrato foi asinado en xaneiro de 2002 cunha vixencia de 10 anos, a razón de 450.000€ anuais. Hoxe, case 5 anos despois do seu remate, seguimos a pagar eses 450.000€ anuais, sen que consten prórrogas e sen que se actualizase o seu importe, nun contexto no que as administracións públicas reduciron os prezos das súas contratacións nun 30%.

Limpeza mensual de macroobxectos na marxe da Ría, cláusulas sociais, inclusión do servizo de mantemento dos váteres públicos, pipicáns, servizo de mantemento dos lavadoiros tradicionais, ou mesmo que se corrixa a referencia ao Convenio Colectivo do sector, que ao noso entender non é o de "ocio educativo e animación sociocultural".

O último contrato de limpeza viaria rematou en xaneiro de 2012, sen que consten prórrogas, polo que solicitaremos informes sobre o xeito en que se pagaron as facturas posteriores esa data, sumándose así aos servizos públicos de Culleredo que se están a prestar en precario.

Aínda que conseguimos a inclusión da instalación de pipicáns e da realización de campañas anuais de concienciación, seguiremos intentando incorporar outras, como as cláusulas sociais.

Solicitamos incluír no Contrato de Limpeza cláusulas sociais que permitan a súa contratación con Centros Especiais de Emprego e/ou Empresas de Inserción Sociolaboral, sector no que Culleredo conta con varios centros e institucións pioneiras. Esta posibilidade xa foi posta en práctica por outros concellos da contorna.