A obra iniciouse o 19 de xuño de 2017 e tiña un prazo de execución de 6 meses.

EMALCSA ten tamén paralizadas as obras na Avenida de Ribados, por carecer de licenza municipal.

O BNG demanda saber cal é a situación actual das obras e as compensacións solicitadas á empresa e ao Concello da Coruña.

Nunha contestación escrita ao concelleiro do BNG, Tono Chouciño, a empresa pública recoñece que coñecía, antes da execución das obras, a existencia dunha liña de media tensión na parcela do depósito.

Era consciente tamén das dificultades que a liña engadiría á execución de parte da obra, e que imposibilitaría a execución de outra parte das mesmas.

O BNG está en disposición de liderar, despois das vindeiras eleccións, un goberno que aporte responsabilidade e transparencia á xestión municipal de Culleredo.
 

Un novo retraso nunha obra marcada pola improvisación, opacidade e soberbia coa que veñen actuando EMALCSA e o Concello de Culleredo, que os leva a tropezar en reiteradas ocasións nas mesmas pedras.

Cando en 2016 se anunciou a obra, BNG e veciñanza avisaron da necesidade da autorización previa da Consellaría de Cultura, por estar os terreos dentro da zona de protección do Camiño Inglés, o que xa daquela motivou o retraso no inicio das obras.

As obras, que comezaron en xuño de 2017 e tiñan un prazo de execución de 6 meses, poñen a proba a paciencia dos veciños e veciñas, máis alá de toda comprensión que se lles poida demandar dende as administracións implicadas.