Por segundo mes consecutivo o Goberno Municipal non presentou proposta algunha ao Pleno para a súa aprobación. Isto demostra a carencia da máis mínima capacidade de iniciativa política do Goberno de José Ramón Rioboo e a súa total falta de ideas, que levan a Culleredo á paralización.

Malia os múltiples anuncios, o PXOM segue paralizado e o número de servizos públicos que carecen de contrato vai en aumento, cando eran coñecedores de que a Lei de Contratos aprobada en novembro de 2017, que entrou en vigor en marzo deste ano, ía implantar directivas europeas, aprobadas no 2014, que buscan loitar contra a corrupción.

Se o BNG non demanda a creación urxente dunha Comisión de Seguimento do Plan Director do Aeroporto aínda estaríamos agardando pola reacción do Goberno Municipal.