- O mantemento dos servizos ao rural de Culleredo nas fins de semana, a mellora da conectividade transversal das liñas, e o alongamento dos horarios nocturnos dende Coruña ao Burgo e Vilaboa, son algunhas das demandas.

- O anteproxecto da Xunta non ten en conta os pasos dados para a constitucióndunha área metropolitana nen a intermodalidade, e evita calquera referenca á demanda dun trende cercanías.

- As alegacións son froito dun proceso participativo impulsado polo BNG.

No último Pleno preguntamos ao Alcalde pola licenza de actividade da atracción paralizada nas festas do Burgo e polos expedientes para a obtención da licenza de instalación e funcionamento, sen obter resposta.

O BNG considera necesaria a revisión das condicións nas que as atraccións das festas obteñen a súa licenza de actividade.

Debe prevalecer a súa seguridade polo ben da veciñanza de Culleredo e dos milleiros de visitantes que se achegan ás nosas festas.

O BNG rexistrou unha solicitude para o acceso aos expedientes abertos para outorgar licenza de actividade ás atraccións instaladas nas Festas de Vilaboa e do Burgo.

O BNG de Culleredo presentou recurso de reposición contra as asignacións económicas e características do persoal de confianza aprobadas no Pleno de Organización.

Foron detectadas eivas que nos levan a solicitar a nulidade de pleno dereito dos acordos aprobados.

A documentación achegada ao Pleno contiña imprecisións totalmente inadmisíbeis.

O candidato á alcaldía, Tono Chouciño, participou nunha limpeza das sinais indicadoras do Rego das Xesteiras, en Celas, organizada polo BNG.

O BNG impulsará a recuperación dos espazos urbanos degradados para o seu desfrute pola veciñanza.

O Paseo do Rego de Trabe ou o muíño da Fonte da Balsa poden ser recuperados cun pouco de atención e orzamento.
 

O Goberno Municipal publicou o pasado 16 de abril unha convocatoria de subvencións ás asociacións na que se recollía a posibilidade de facer a solicitude presencial ou telemáticamente, cando só sería legalmente admisíbel esta última opción.

Onte o Goberno Municipal comunicou ás distintas asociacións o erro na convocatoria, provocando que moitas non conten cos medios e o tempo precisos para rectificar a solicitude.

O BNG solicita a ampliación do prazo de presentación de solicitudes para as asociacións do Concello, e que se poñan ao seu dispor os medios e o asesoramento necesarios para poder realizar adecuadamente o rexistro telemático.

O edificio da fábrica da Cros ten que ser recuperado canto antes, para non deixar morrer unha das escasas mostras de arquitectura industrial de Galiza. En primeiro lugar, deberá de acometerse un estudo do estado da descontaminación das parcelas. O BNG propón aproveitar esta instalación para ofrecer servizos culturais, sociais e asistenciais, para o que preparará un proxecto de ámbito supramunicipal co que acudir aos novos Plans de Financiamento Europeo 2021.

É preciso rematar coa situación de desigualdade que padecen os nenos e nenas do rural de Culleredo.

O BNG levará ao Parlamento Galego a demanda das familias, despois de ser o único partido que asistíu á última reunión que convocaron.

Culleredo precisa un Mapa escolar que racionalice o uso das instalacións existentes, e un Goberno Municipal que defenda con firmeza os intereses e dereitos dos seus veciños e veciñas

Luís Bará, deputado do BNG no Parlamento Galego, e Tono Chouciño, candidato á alcaldía de Culleredo, visitaron hoxe e comprobaron o estado de deterioro no que están as instalacións.

Tono Chouciño anunciou que o BNG de Culleredo solicitará da Xunta de Galiza a transferencia das instalacións deportivas de Acea de Ama ao Concello, para mellorar a súa xestión, recuperar o recinto ambientalmente e promover deportes non maioritarios.

Entre as melloras a levar a cabo está a de dotar a piscina dun novo vaso, para dar o servizo axeitado tanto ás persoas usuarias como aos clubes de natación, natación sincronizada ou triatlón, que na actualidade vense na obriga de desprazarse a outros concellos.

A veciñanza ten dereito a contrastar as propostas e os programas de voz directa dos candidatos e candidatas.

É inexplicable que nunca se demandara desde a radio municipal, a de todos e todas, a opinión, ou unha entrevista, ou calquera outro tipo de presenza das persoas que representan a oposición.

O Pleno Municipal aprobou por unanimidade retransimitir os plenos pola rádio, acordo que non foi cumprido polo Goberno Municipal.