bng
Novo Boletín do BNG de Culleredo

Novo Boletín do BNG de Culleredo

O boletín trata de dar conta, dun xeito veraz, do traballo desenvolto nos últimos meses e da situación actual do Concello.

Entre os temas tratados está o do Complexo da Garrocha, no que o BNG está a estudar os pasos a seguir para que non volva repetirse o do CLT de Ledoño ou o do CEIP Ría o Burgo

Tamén se trata a visita de Ana Pontón e se informa das canles para formular propostas de cara aos Orzamentos Municipais.

Ler nova
Tono Chouciño candidato do BNG á alcaldía de Culleredo en 2019

Tono Chouciño candidato do BNG á alcaldía de Culleredo en 2019

Tono Chouciño estará acompañado no primeiro treito da lista por Beatriz Pérez, Gonzalo Méndez, Lorena Curros, Jorge Longueira, e Alba Pérez.

A equipa encabezada por Tono reune unha ampla experiencia, formación e grandes ansias de traballar a prol dos veciños e veciñas de Culleredo.

Entre os retos que o novo goberno terá que afrontar están a contratación de todos os servizos públicos que na actualidade se están a prestar en precario ou a aprobación do PXOM

Ler nova
O BNG demanda os informes das alternativas para a conexión da AP9, aeroporto e terceira rolda

O BNG demanda os informes das alternativas para a conexión da AP9, aeroporto e terceira rolda

O Pleno Municipal aprobou en xuño por unanimidade solicitar á Xunta e a Fomento un estudo rigoroso das alternativas para conectar a AP9 co aeroporto e a terceira rolda (AC14)

Con posterioridade o Goberno Municipal anunciou un estudo dos técnicos municipais para conectar a AP9 coa AC213 en Almeiras.

Esta semana sóubose que o Goberno do Estado está a traballar nun novo proxecto para o vial 18, que pode elevar o seu custo até os 30 millóns de euros.

Descoñecemos as xestións que o Goberno Municipal levou a cabo nestes máis de 3 meses e o ditame dos técnicos municipais.

Ademais do custo económico, o vial 18 tería un elevado prezo social e medioambiental para o noso Concello, polo que a veciñanza ten dereito a saber porque se escolle esa opción fronte a outras que serían máis económicas e que poderían ser máis beneficionas para Culleredo.

Ler nova
Non prospera a proposta do BNG de investigar a obra do Río Trabe

Non prospera a proposta do BNG de investigar a obra do Río Trabe

A moción presentada polo BNG para investigar as irregularidades nas obras do Río Trabe tivo o apoio de todos os grupos da oposición menos os da Marea e Cidadanos, que ao absterse facilitaron que a proposta fose rexeitada cos votos do PSOE.

Un informe do Xefe de Servizo de Arquitectura e Urbanismo pon en evidencia graves diferenzas entre o proxecto orixinal e o executado en temas como o sistema previsto, o tramo de actuación, a pendente ou os materiais empregados.

A inclinación do noiro pasou do 25% que figuraba no proxecto, ao 50% e até o 60%, sen constar estudos técnicos previos, podendo afectar á seguridade estrutural.

Ler nova
O pleno aproba a proposta de resolución do contrato da Garrocha como demandaba dende hai anos o BNG

O pleno aproba a proposta de resolución do contrato da Garrocha como demandaba dende hai anos o BNG

En 2012, cando se iniciou un primeiro expediente de resolución, a concesionaria xa adebedaba máis de 120.000€

Non temos constancia do pagamento das últimas anualidades (24.000€ anuais) nen da débeda anterior.

Hai tamén incumprimentos en materia de medio ambiente e dos servizos que se deberían prestar pola concesionaria.

Nengún dos concelleiros con responsabilidades nesas áreas, incluído o alcalde, foi quen de contestar ás preguntas formuladas por Tono Chouciño.

O aval depositado, de 120.000€, é a todas luces insuficiente para cubrir os prexuízos xerados.

Ler nova
Alegacións do BNG de Culleredo ao Plan Director do aeroporto

Alegacións do BNG de Culleredo ao Plan Director do aeroporto

Estas alegacións son complementarias ás presentadas dende o Concello de Culleredo, que o BNG subscribe.

- Solicítase unha franxa mínima de 8 horas sen actividade para garantir o dereito ao descando da poboación circundante, a revisión da adecuación do aeroporto á normativa vixente, e ter en conta as alternativas de transporte para o cálculo da demanda futura.

Ler nova
O BNG propón melloras no sistema de identificación dos vaos para vehículos

O BNG propón melloras no sistema de identificación dos vaos para vehículos

Para o exercizo actual xa realizamos achegas que non mereceron consideración polo goberno municipal, edado o seu inmobilismo é preciso insistir para acadar melloras que beneficien á veciñanza.

A primeira achega é a instauración dun sistema de identificción daqueles vaos que están ao corrente da taxa anual, tanto a través das placas como a través da páxina web municipal, instaurando un sistema transparente que axude a acabar con posíbeis arbitrariedades.

Ler nova
O BNG pide a convocatoria da Comisión Especial Informativa do Aeroporto.

O BNG pide a convocatoria da Comisión Especial Informativa do Aeroporto.

O representante do BNG no Concello de Culleredo, Tono Chouciño, dirixiuse esta semana ás distintas forzas políticas con presenza no Pleno e á concelleira non adscrita para convidalas a convocar a Comisión Especial Informativa do Aeroporto, que leva sen se reunir dende a súa constitución.

No escrito faise fincapé en que ao adiar o Goberno Municipal o Pleno e as Comisións informativas correspondentes a agosto para o mes de setembro, chégase case ao límite do prazo ampliado para presentar alegacións ao proxecto de modificación do Plan Director, sen información da súa evolución.

 

Ler nova
O BNG interésase polo contrato da asesoría para as alegacións do aeroporto

O BNG interésase polo contrato da asesoría para as alegacións do aeroporto

O BNG non atopou nengunha referencia á existencia dun expediente para a contratación do contrato de asesoría para a redacción das alegacións ao proxecto do Plan Director do Aeroporto.
 
Como en calquera contrato de servizos das Administracións Públicas, ademais de figurar cal é a empresa ou profesional contratada, deberían figurar os requisitos e a solvencia exixidos.
 
Se como parece non se celebra o Pleno Ordinario correspondente ao mes de agosto, e non téndose reunido a Comisión Especial de Seguemento do Plan Director dende a súa constitución, carécese de información do estado en que está a redacción das alegacións.
 
Gustaríanos coñecer as condicións do contrato e os avances na elaboración das alegacións, e que se dese a oportunidade de realizar aportacións tanto aos restantes partidos políticos de Culleredo como á cidadanía en xeral.
Ler nova