Imprimir

Tono Chouciño renuncia ao cobro pola asistencia ao próximo Pleno

bngculleredo | 16 de Septembro de 2018

Tono Chouciño, concelleiro do BNG de Culleredo, renuncia ao cobro de indemnización pola asistencia ao Pleno Extraordinario convocado para o martes da vindeira semana. "Non me parece lícito cobrar a indemnización estipulada para a asistencia a este acto".

O Pleno conta cun único punto na orde do día, a renuncia de dos concelleiros do Partido Popular, polo que previsibelmente será un acto protocolario e breve, para o que o representante nacionalista estima que non é precisa nengún tipo de preparación pola súa parte.

 

 

Tono Chouciño, Concelleiro do Concello de Culleredo e Voceiro do BNG da localidade, ven de presentar no rexistro municipal a súa renuncia ao cobro da correspondente indemnización pola asistencia ao Pleno Municipal Extraordinario convocado para o vindeiro martes día 18 cun único punto na Orde do Día: a toma de coñecemento da renuncia de dous Concelleiros do Partido Popular.

"Non me parece lícito cobrar a indemnización estipulada para a asistencia a este acto que de seguro ha de durar tan só uns minutos e que non precisa de ningún tipo de preparación nin traballo previo", asegura Tono Chouciño no texto presentado esta mañán no Concello.

Ante a opción de non asistir, o Concelleiro nacionalista decidiu acudir renunciando á remuneración habitual xa que non está no seu ánimo facer de menos a dous compañeiros de Corporación aos que, "desde posicións ideolóxicas totalmente discrepantes, estimo como veciños".

O do vindeiro martes será o segundo Pleno Extraordinario convocado para este mes de Setembro, trala decisión do Alcalde de mudar de data o Pleno Ordinario do mes de Agosto, pasando a celebrarse no día de onte, xoves día 13.

 

Podes ver este artigo na próxima dirección /articulo/novas2/tono-choucino-renuncia-ao-cobro-pola-asistencia-ao-proximo-pleno/20180916125043001834.html


© 2018 Bloque Nacionalista Galego de Culleredo

Bloque Nacionalista Galego de Culleredo

Rúa do Concello s/n

15189 Culleredo

culleredo@bng-galiza.org