DESPERFECTOS INSTALACIÓNS

Desperfectos no parquet da Polideportiva de Cordeda

chan roto polideportiva
Desperfectos na superficie do parquet

Trala aparición de diversos desperfectos no parquet da polideportiva de Cordeda, entre eles a rotura dalgunha das táboas, pedimos a valoración dos danos e súa reparación. Pedimos tamén a determinación de se os danos gardan relación coa colocación dunhas canastras móbiles cun sistema de rodamento non axeitado para esa superficie, problema que denunciamos no seu momento e que supostamente xa estaba arranxado.

Desperfectos no parquet da Polideportiva de Cordeda

O BNG-Asembleas Abertas de Culleredo solicitou a valoración e reparación dos danos aparecidos no parquet da Polideportiva Ría do Burgo, en Cordeda, onde apareceron marcas na superficie e a rotura de algunha táboa.

Tono Chouciño solicitou tamén a determinación da orixe deses danos, xa que houbo queixas dende o primeiro intre de que as canastras tiñan un sistema de rodamento que non era axeitado para esa superficie, "o que é sorprendente, xa que foron subministradas pola mesma empresa que puxo o parquet".

O voceiro nacionalista lembrou que estas queixas xa lle foron transmitidas no seu día ao concelleiro de Deportes, e que dende ese departamento se informou que xa estaba solventado o problema, "sería ben saber se iso foi así, se os danos que apareceron teñen algunha relación, e se hai posibilidade de reclamar as garantías da obra".

Desperfectos no parquet da Polideportiva de Cordeda