Estes días cumprese un ano das últimas eleccións municipais, ás que o BNG se presentou cunha lista renovada, con gran número de independentes nos primeiros postos e coa máxima de democratizar e abrir as estructuras do Concello aos seus veciños e veciñas, para que coñeceran o seu funcionamento e tomaran parte das decisións.

Aínda que os resultados a curto prazo foron malos, obtendo un só representante, un ano despois pódese dicir que o BNG de Culleredo acertou de cheo ao apostar, fronte a outras opcións que o fixeron por persoas habituais e cunha longa experiencia no Concello ou nas súas cercanías, por Tono Chouciño, alguén sen militancia política que se achegou ao proxecto das Asembleas Abertas dende a indignación e o convencimento de que é preciso un cambio profundo.

Para Tono Chouciño o máis negativo foi o nivel de degradación que se percebe e que se translada aos cidadáns en xeito de ineficacia e de improvisación constante, "despois de 33 anos no goberno, o PSOE estaba acostumbrado a barrer para debaixo da alfombra, pero a alfombra xa non dá para tapar máis".

Do positivo apunta o contacto directo cos veciños e veciñas "a xeira de Asembleas Abertas que realizamos polas parroquias e os contactos e reunións coas distintas asociacións de Culleredo permitíronnos coñecer moitos dos seus problemas e traballar na súa solución".

Pon como exemplo as carencias de alcantarillado en zonas do rural, o asfaltado do camiño de Orro á Zapateira, ou a creación dunha cobertura no parque de Ledoño, para os que se destinaron partidas económicas despois da recollida das demandas veciñais polo BNG e o seu translado ao Concello. "Son só uns exemplos, e son consciente de que aínda queda moito por facer, pero nos dan azos para seguir avanzando neste camiño."